एसईई २०८१ नतिजा सार्वजनिक : उत्कृष्ट ग्रेडमा ४८ हजारभन्दा बढी विद्यार्थी सफल
असार १३, २०८२ । माध्यमिक शिक्षा परीक्षा (एसईई) २०८१ को नतिजा राष्ट्रिय परीक्षा बोर्डले सार्वजनिक गरेको छ। यस वर्ष परीक्षा नियमिततर्फ ४ लाख ३८ हजार ८९६ विद्यार्थीले दिएका थिए भने तीमध्ये ४८ हजार १७७ जनाले ३.६ देखि ४.० जीपीएसम्मको उच्चतम ग्रेड हासिल गरेका छन्।
बोर्डले जारी गरेको नतिजा विवरण अनुसार,
- ३.६ देखि ४.० जीपीए हासिल गर्ने विद्यार्थी: ४८,१७७ जना
- ३.२ देखि ३.६ जीपीए ल्याउने: ८१,३८५ जना
- २.८ देखि ३.२ जीपीए ल्याउने: ९९,१२४ जना
- २.४ देखि २.८ जीपीए ल्याउने: ४८,४७९ जना
- २.० देखि २.४ जीपीए ल्याउने: ४,१२६ जना
- १.६ देखि २.० जीपीए ल्याउने: ८ जना
यस वर्षको परीक्षामा विभिन्न कारणले १२६ जनाको परीक्षा रद्द गरिएको जानकारी प्राप्त भएको छ।
