एक हजार एक सय रूपैयाँले बढ्यो सुनको मूल्य
मंसिर ४, २०८१ । नेपाली बजारमा आज (मंगलबार) सुन–चाँदीको मूल्य बढेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ६२ हजार एक सय रूपैयाँमा कारोबार भइरहेको छ ।
सोमबार छापावाल सुन प्रतितोला एक लाख ६१ हजार रूपैयाँमा कारोबार भएको थियो। जसअनुसार अघिल्लो दिनको तुलनामा मंगलबार सुनको मूल्य तोलामा एक हजार १ सय रुपैयाँ बढेको हो ।
त्यसैगरी, मंगलबार चाँदीको मूल्य पनि बढेको छ। सोमबार प्रतितोला एक हजार नौ सय २० रूपैयाँमा कारोबार भएको चाँदी मंगलबार प्रतितोला एक हजार नौ सय ५५ रूपैयाँमा किनबेच भइरहेको छ ।
