अब त्रिविको सबै आवेदन अनलाइनबाटै, आजदेखि सेवा सुरु
असार १५, २०८२ । त्रिभुवन विश्वविद्यालयले आजदेखि आफ्ना सबै आवेदन प्रक्रिया अनलाइनबाटै सुरु गरेको छ। यसले विद्यार्थीहरूलाई बल्खुस्थित त्रिवि मुख्य क्याम्पस पुगेर आवेदन दिनुपर्ने झन्झट हटाएर समय र खर्च दुवै बचत गर्ने उद्देश्य राखेको छ।
विद्यार्थीहरूले अब घरमै बसेर निम्न सेवा र आवेदनहरू सजिलै अनलाइनमार्फत गर्न सक्ने भएका छन्:
१. त्रिवि रजिष्ट्रेशन आवेदन फाराम
२. परीक्षा आवेदन फाराम
३. ट्रान्सक्रिप्ट आवेदन फाराम
४. प्रोभिजनल सर्टिफिकेट
५. मूल प्रमाणपत्र
६. पुनः प्रयोगका लागि आवेदन फाराम
७. शैक्षिक कागजातमा नाम, थर, रजिष्ट्रेशन लगायत सच्याउने फाराम
८. विभिन्न सिफारिस पत्रहरू
९. प्रमाणपत्रहरूको प्रमाणिकरण
१०. प्रतिलिपि ट्रान्सक्रिप्ट र मार्कसिट
त्रिभुवन विश्वविद्यालयले यस नयाँ अनलाइन सेवा मार्फत विद्यार्थीहरूलाई छिटो, पारदर्शी र सजिलो सेवा दिने लक्ष्य राखेको छ। विश्वविद्यालयको आधिकारिक वेबसाइटमा सबै फाराम र प्रक्रिया उपलब्ध गराइएको छ।
विद्यार्थीहरूलाई अब बल्खु पुगेर लामो लाइन बस्नु पर्ने छैन र आफ्नो सुविधा अनुसार जहाँबाट पनि सेवा लिन सजिलो हुनेछ।
त्रिभुवन विश्वविद्यालयले अनलाइन सेवाबाट विद्यार्थीहरूको शैक्षिक जीवन थप सहज हुने विश्वास व्यक्त गरेको छ।
