महोत्तरीमा बस दुर्घटना, १५ जना घाइते
फागुन २३, २०८१ । महोत्तरी जिल्लामा यात्रुवाहक बस दुर्घटना हुँदा १५ जना घाइते भएका छन्।
हरिगोरीगम्माबाट परिक्रमा सडक हुँदै जलेश्वरतर्फ जाँदै गरेको ना ३ ख ८९९७ नम्बरको बस मडईस्थित सडकबाट पल्टिँदा दुर्घटना भएको हो।
जिल्ला प्रहरी कार्यालय महोत्तरीका अनुसार घाइते यात्रुहरूको उपचार प्रादेशिक अस्पताल जलेश्वरमा भइरहेको छ। दुर्घटनाको थप विवरण संकलन भइरहेको प्रहरीले जनाएको छ।
